ព្រឹត្តិការណ៍ ពិព័រណ៍សៀវភៅកម្ពុជាលើកទី៨ ឆ្នាំ ២០១៩ ។ ពិព័រណ៍សៀវភៅដ៏អស្ចារ្យលើកនេះ នឹងប្រព្រឹត្តទៅចាប់ពីថ្ងៃទី១៣ ដល់ទី១៥ ខែធ្នូ ឆ្នាំ២០១៩ នៅក្នុងបរិវេណបណ្ណាល័យជាតិ។ បើតាមក្រុមការងាររៀបចំបានជូនដំណឹងថា ដោយសារតែមានតម្រូវការច្រើនពីអ្នកចូលរួមកាលពីឆ្នាំមុន ក្រុមការងារបានអភិវឌ្ឍពង្រីកទីធ្លារបស់កម្មវិធី ព្រមទាំងបន្ថែមនូវចំនួនស្តង់ដល់អ្នកនិពន្ធ និងអ្នកបោះពុម្ពផ្សាយថ្មីៗ ដើម្បីឱ្យពួកគាត់មានឱកាសបញ្ចេញពីសមិទ្ធផលនិងស្នាដៃរបស់ខ្លួន។ ព្រឹត្តិការណ៍នេះជាឱកាសដ៏ល្អមួយសម្រាប់អ្នកចូលចិត្តអានសៀវភៅ។